إحساس بالألم عمره أكثر من ست سنوات
وما زال يعتاد النفس مراراً .. ويعتصرها
ولم يشاركني به أحد قبل ( الآن) في هذه الليلة ..
لذا وكما وعدتكم بأن أتشارك معكم بعض آلامي التي أستطيع البوح بها
علني أزيح بعض الحمول التي أثقلت كاهلي ..
واستميحكم عذراً لأن بعض همومي (غير قابل للنشر والإفصاح) .. فسأحتفظ بها لآلامي ..
التوقيع : {{المفارق}}
---------------------------------------------
فلنبدأ سوياً أحبتي استعراض (نزف الأوردة) وأنين الصدر .. ليست شعر ولا نثر
فقط إحساس مليئ بحبكم وحب الوطن
---------------------------------------------
بعنــــــــــــــــــــوان
سياسة جحود الأوطان
مضى من عمرنا عدة أعوام ..
وتاريخنا تكتبه وتشخبطه آلام وأحداث السياسة
سياســــــــــة أمطار الغدر ..
مايها دايم .. عكر .. والا صفت .. يختلط معها مكر
والجديد اليوم سياسة جحودٍ للاوطان ..
سياسة النكران لا بها حمد ولا فيها شكر ..
سياسة أنّقص عيال الوطن .. سياسة القتل واحلال الكفن ..
سياسة غياب الفجر .. وانحراف الفكر ..
سياسة اجتمع فيها حثالة .. (أجلكم الله)
اعلنت حرب الخيانة وعنونتها بالكيّاسه ..
<><><><><><><><><><>
يوم ضاع {القدس} عقب {الأندلس} ..
غطى الحزن كل الدروب ..
وذوب شغاف القلـوب ..
واصبحت شمس العرب .. مع من غلب ..
وغيرت مشراقها إلى غرب الكره ..
أو بالأصح إلى الغروب ..
وأبرز رموز الشحوب ..
على راس العروبة عقال أسود ومعضـــــوب ..
والغريب .. كلنا نلبس عقال .. رمــز الرجــال ..
اللي بها العــزّة وبها حســم الحروب ..
والحقيقة غايبة .. أو هي فالضماير خايفة ومتعايبة ..
ضاع معها العز وانهدّ نبراسه..
<><><><><><><><><><>
تبي دليــل .. ؟
إسأل شباب اليوم وش هالعقال اللي فــوق راسك .. ؟
يبيقول علوم ربعي .. وملبس اخواني وابوي وقبلهم جدّي ..
زيّنا الرسمي وساسي وساسك ..
وترى خامته صوف .. و(صانعه إنجليزي) ..
(ثابت) على الراس يضلّ ماسك .. {جملة عرضية}(متى سينتهي استعمار العقول)؟
وإذا دعى الداعـــي .. أو جتك هوشه ..
بــه تستعز .. ويصير واحد من أهـــّم أفراسك ..
ما سمع! .. لا ما سمع! .. عن كنز ضاع من ايدين الأمة ..
ولا سمع عن ولد خنساء شهيدٍ مات .. أو بسّ ثكلت امّه ..
لا والله الا خاب وانهدم باسه ..
<><><><><><><><><><>
واشغل أيامه بقصّات والوان الشعر ..
وموضات وأزياء لأراذل هالبشر ..
وأفلام ما تنفع إلاّ بلا والله تضر ..
واصبحت دنياه من دون يـــــــــــــدري جهنم تستعر !
مدري هو عن سنّة نبيّه ما درى ..
أو انه عن مآثر هالصحابة ما قرى ..
وممكن يكون انه غبي ..
ويقول الصباح أبشركم سرى ..
وآكد العلم إنه بأفضل ما بهالدنيا للرذيلة اشترى..
وباعته دنياه .. بحفنة من مذلة .. وكومة نجاسه.. (أجلكم الله)
<><><><><><><><><><>
المهم .. كل هذا تعرفونه وكل منّا ..
شاف الشباب .. و المآسي والانتكـــــــاسة
لكن المضحك المبكي ..
واللي خلاني أقول الشعر ..
واعيد الزمان لقفى نبكي ..
كيف يتجرى إلي رضع من صدر أمّه ..
يذبّح بالخلايق ويذبحها .. وهي تستفزعه تبكي !
(ديـرته) .. إللى ربت به ..
فوق العلا واثمرت به ..
صارت بخيبته منه تشكي ..
عقب ما كان المجاهد عن حياض الدين ..
عوّد عليه اليوم يهدّ ساسه ..
<><><><><><><><><><>
كفّر المسلم بفكره وبالحقيقة ما يجي ولا ياصل .. مداسه.. (أجلكم الله)
وزع النار بين الناس .. واتّّــجــبـــّـر ثم قـــال ..
أنا صاحب الجنّة ..
ولو سألته وش حجّتك قال أنا المهدي .. وانت مخالف السنّه
واشهـِـدْ الله واشهــِـدْ كل رجّال(ن) يغار..
إن بعض (الحريم) اللي عرفنا .. (يفضلونه ويتعدنّه)!
غرته دنيـــــــــــــــاه ..
والدنيا تغرّ اللي عبدها .. وكسر رجله بفاسه
<><><><><><><><><><>
لا حشى ما هو بأخونا .. ولا ولدنا ..
اللي يخون أمه وخلى أبوه مدنّق(ن) راسه ..
كيف صدّق كذبته ..
كيف صار أعمى عن الحقايق صدّ .. ما ودّه يشوف!
ما قرى القرآن .. ولا تفكّر بالمعاني ..
ولا ميّز الشدّه .. عن نقاط الحروف ..
وانخـــــــرط في أمنياته ..
يحسب الجنّة هدية من يذبّح بالسيوف..
سلّم المفتاح للّي .. من ورانا دس له خدعه وذلّه .. ثم داسه
<><><><><><><><><><>
واجتمع (رأي الأئمة) ..
قالوا الإرهاب غزو .. يضلل الأفكــــــار
ضلّ باسبابه شباب ..
ومات في حربه شيوخ .. واطفال .. وبنات أبكار ..
واحتفل صهيون متبسّم ..
واجتمع شارون في غرفة معا الخاين الغدّار.. (؟؟؟؟)
قالو الخطة (بسيطة) ..
لاجتثاث الفكر نحتل العراق .. ونشفط الانهار ..
والخيانة غرقتنا ..
والمذلة اتعبتنا ..
والخطر دق ناقوسه .. ولجّت اجراسه
<><><><><><><><><><>
سائلك يالله الإعتاق من أفكار(ن) دخيله .. وكل مجرم تخذله ثمن تشيله ..
قدرة المعبود وكل شي ينتهي له ..
وكل منّا في ركوعه ينحني له ..
مالنا يالله غيرك نلتجيله ..
تنصر الاسلام وتزيل الرذيلـــــة
وكل مطلوبي شهادة في سبيله ..
ترفع الغمة عن أتباع موعود الوسيلة
واللي يخون تشتته وتهدّ حيله ..
وتشلّ حرصة واحتراسه
الرئيسية 
