من عقب ذكر اللـه سطرت اجمل القاف
واكتب على الأوراق زين القوافــــي
ما قلتها لعيون زينات الإوصاف
ولا لأن الفكر ل الشعر صأفــــي
حسبي على الهمزه وحسبي على الكاف
ويا عنك ما شفته من الوقت كافـــــي
ما فيه عدل ولا تحلى بالأنصاف
يبهذل القرم الشجاع السنافـــــي
عفت الوليف الي لزوم انه يعاف
واصبر افؤادي بكلمت عوافـــــــي
اخترت لي ناسن عزيزين واشراف
الي قرابتهم تعز وتشافــــــي
اشيلهم واحطهم فوق الكتاف
وامشيلهم غصبن على الرجل حافــــــي
ما اقول شعري ل اجل تحقيق الأهداف
ولابد بالدنيا تبين الخوافـــــي
وما ودي ادم يعود داف
والبارد من الماء يعود دافـــــــي
يقوله الي في منامه شاف
عقيم وابل ما يجيله وافــــــي
ومن عقبها جرحي ترا نزاف
والقلب بأعلى الصوت ردد كافـــــــي
ل الشاعر ( مشبب شبّيب الجديعي )
الرئيسية 
