الرضاء والحب والإخلاص في قلبي دفنته=والسنين المجدبه ما غيرت فيني صفاتي
والزهر والورد والريحان في حضنك نثرته=ارسميني في خيالك واستعيدي ذكرياتي
انتعش قلبي بوصلك وانطوي دربٍ سلكته=حاطني عطفك ولفتني يدينك من شتاتي
داعبتني بسمتك والشهد من ريقك شربته=وأغرقتني حلو همساتك ببحر الامنياتي
ازهرت ريضان قلبي لك زهر بيدي زرعته=شوفِ عنقود الغلا مزروع في كل الجهاتي
لاح برقك في عيوني وابتسم طيفٍ سجنته=والتقى الإحساس في كوب الهناء واثمل شفاتي
دثرتني فرحتي واسقتني العذب او عطشته=وامطرت ديمة سمانا وأنت تدعي بالنجاتي
واللثام اللي على وجهك بيدينك كشفته=واكتسح نورك مساحاتي وكنت احلى امسياتي
هاجرت يمي طيورك واهجعت قلب ملكته=عودك المياس مالت به غصونه يا غلاتي
آه من سطوت جنونك كيف حالي ما رحمته=مغترب في داخلك وتموت في تعذيب ذاتي
اكتم الآهات فيني واحتدم لامرًا فرضته =قوم فرضك في خفوقي قبل تدعي للصلاتي
لاعب الوجدان بحساسك عسى بحرٍ شرعته=يجرفك في داخلي ولا يعيدك للفلاتي
الرئيسية 
