ياطير خذني ودني وين ماتروح
مليت من جور الحياة وتعبها
مليت فرقا اللي سكن داخل الروح
اللي عليه العين زايد صببها
قلبي مولع به وبالحب مجروح
أشعل بوسطه نار يبقى لهبها
أشتاق له ماغرد الطير بالدوح
وأشتاق له عد السنين وخطبها
وأشتاق له عيني تناديه بالنوح
تبكي عليه ودمعتي هو سببها
مايدري إني صرت روحين في روح
أسهر مع عيونه وألامس هدبها
وأسير في دربي وفي خاطري بوح
للصاحب اللي كل روحي سلبها
ماعاد ابي غيره ولاني بمنصوح
تفداه عيني يوم عيني سلبها
خلاص يكفي كلي أحزان وجروح
هذي النهاية يوم ربي كتبها
الشاعر/ بندر محمد
الرئيسية 
