احد الأصدقاء أرسل لي هذه الرديه بين حبيب وحبيبته
فقال :
هي:
يعني نويت السفر بتوادع أحبابك
يعني بدت رحلة الغربه بوجداني
يعني بتم انتظر واضيع بغيابك
يعني من اليوم بفقد نصي الثاني
هو:
حبيبتي والله اني حاسب حسابك
ودموع عينك تشب النار بشجاني
غصب علي هالسفر مجبور بسبابك
قولي لكل العواذل راح من شاني
هي:
حبيب قلبي أحبك موت واحيابك
وابغاك في كل حالاتك وتبغاني
مبغى فلوس وذهب ابغاك بثيابك
دامك معي اتحدى الكون بإيماني
هو:
عهد علي لزرع اجمل ورد بترابك
وإني لأرويه من دم قلبي وشرياني
تستاهلين العمر والعمر يزهابك
حلفت انا لسعدك كان الله أحياني
هي:
قول وفعل يابعد عمري انا ادرابك
واعرف ظروفك ولكن قلبي اذاني
ارجوك تعذرغلاي إليا تمادى بك
حاولت أخفي دموعي بس ممداني
هو:
من شان هذا الغلا ومن شان اهدابك
ومن شان عينك بسافر بك لعنواني
بس اطلبي لي انا واقف على بابك
وقولي احبك ويكفي منك ماجاني
هي:
مليون احبك واحبك حيل واشقا بك
رح في طريقك مثل ماكنت تلقاني
الله يردك لقلبي واتهنا بك
وما عاد يقدر على توديعك لساني
لكن بعد ماوصلتني عرفت انه هو اللي كاتبها كلها
)))فرديت عليه وقلت(((
الله يعينك على اللي بالغلا جابك
والا على الوحدة اللي تظني الابداني
والا الفراق اللي قد وقف على بابك
وترى المحبه يا خلي تجعلك عاني
يابو سعيد انت شهم وأنا أدرابك
وفيك عزم وعزيمه وقوة إيماني
لا تخلي قلبك فيدين منهو يسلابك
خله مثل خاتمك وخليه لك حاني
وسلام ربي عليك عداد أحبابك
والا التحيه فقصيده من على لساني
الرئيسية 
