انا في يوم من الايام قريت كتابه مكتوبه على جدار وتحتها اسم اللي كتبها وهو شخص عزيز وغالي على قلبي
الكتابه تقول(ابليس والهوى والنفس اعدائي فكيف السبيل دلوني) فاثر في ذلك كثيرا وجات في بالي اني كتبت له قصيده متواضعه وارسلتها له.
وابي من اهل الشعر ينتقدونها لانها بصراحه رابع مره اكتب فيها قصيده .
والقصيده تقول:
ياصاحبي يامن له القلب ميال
ياعزوتي يامنيتي ياغناتـي
لك المعزه مثل مالغيث همــال
ولك المحبه باقيه في حياتي
قدرك على راسي مع البعد مازال
ملكت قلبي ياجميل الصفاتـي
عبارتك زادت على القلب الاحمـال
وهمك مثل همي احسه بـذاتــي
ابليس والوحده ومعهم هوى البال
هذي الثلاث اعدها من عـداتــي
ابليس له ربي بلعنه واجـفـــال
يحميك منه ومن جميع الطغاتـي
اما الهوى واستغفر الله من الحال
الله يعين العاشقين الـهواتـــي
هذا الهوى ماله دوى مثل ماقـال
اهل المثل في قولهم موعظاتــي
وان كان همك وحدتك هـاك رجــال
يعطيك قلبه تاخذه ذكـرياتـــي
تسولف عليه وتشتكيله ويشتـــال
عنك الهموم الصعبه الكـايداتـي
الله يعين الكل في كل الاحــــوال
والله يزين باقي الـعاقـباتــــي
الرئيسية 
