برمضان لا تكثرون الكلام
اشتغلوا فيه بالقرآن
شحنوا باتري الإيمان
غذوا الروح والوجدان
القلب يوعان وعطشان
لاتلهون بشنطة وفستان
من محل لمحل
ومن الراشد للظهران
الله الواحد المنان يدعوكم للاغتنام
تنافسوا لنيل جنه الرضوان
صلوا ارحامكم
خاصةً اللى ماشفتوهم من زمان
وسألوا عن الغايب
وراضوا كل زعلان
لا تقولون ما يستاهل
من يبادره تراه كسبان
الأجر والسعاده والاطمئنان
وتفقدوا المعارف
وتنغصوا للجيران
الانفاق هذا شهره
وهذا الميدان يا حميدان
افطار صائم
والصدقه للي عانى من الحرمان
حواليكم عمال وضعفاء
هالله هالله بالخدام
ونصيحه قضبوا هاللسان
اللي مفرق الخلان
تعوذوا من الشيطان
ترا بيخرب عليكم التعبان
التلفزيون قولوا له لا
لا محنا مخربين هالصيام
من مسلسل لفوازير لأغنيه
ضاع علينا رمضان
ولا تنشغلون بالقرقيعان
البساطه زينه
وينك يا ايام زمان
نفتر بالفريج ونجتمع
والكل حاس بأمان
ونستانس بالحصيله
قاعدين على الليوان
الحين خبه ودراريع
وعلب اشكال وألوان
معارض وصالات وبيوت
والكل تاجر وفنان
والمطبخ لا تداومون فيه
واذا لابد شغلوا الرادو عالقرآن
كافي عليكم شوربه
وكبة وشربت بيذان
لا تكثرون الاكل
وتخربون الاجسام
صار رمضان حلويات ولقيمات
ومن القهوه جم فنجان
هذا الشهر ياناس
تراه كنز من الرحمن
فيه ليلة أجرها عن ٨٣عام
شدوا الحيل
بين ذكر ودعاء وقيام
ونحمد الله انه بلغنا هذا العام
تخيلوا هذا آخر رمضان
ما راح نتحسف عاللي كان ؟
ونقول جان زين كثرنا العمل
ليوم تزل فيه الاأقدام
يالله احنا فيها
نبي تخطيط وهمه الآن
كل عام وانتوا بخير
وحللونا يالأخوان
يارب يجعلنا واياكم
من عتقاء شهر رمضان
تقبل الله طاعتكم مقدمآ
الرئيسية 
الذهب
